تداولت صفحات التواصل الاجتماعي صورة هذه الطفلة ،وهي في اول يوم من
ايام العام الدراسي الذي بدء اول امس الاحد .وقد ألهمت الصورة ، الشاعر الدكتور
فراس ناصر زهيرة فكتب هذه القصيدة ونشرها على حسابه في شبكة التواصل الاجتماعي
فيسبوك اتصلت صحيفة المرايا الالكترونية بالشاعر واستأذنته لإعادة النشر
الشاعر الدكتور فراس ناصر زهيرة
القصيدة
فدوة أطفالنا بالمدرسة يخبلون
عمت عين الدوام اعليهم شصبره
سنتين اليفارك هالعيون شلون ؟!
محروسة بعلي يا حلوة و الزهرة
دار و دور و بيناتهم داران
يبنيهن قلمهه الفاتنة الشگرة
و ما تمحي ابمحايتهه سرور سنين
المثلهه من زمان اطويل تنتظره
بعد گلبي يناقوس الفرح و العيد
جرس درسي النطرته بنار مستعره
معلمتي الجميلة المثل غصن البان
تتمايل حنان بضحكة و بعبرة
يا ملح القراءة شكثر إلك مشتاگ
و يا شهد النشيد و ( موطني ) شكبره
وياصف الدفو رغم البرد بشتاه
دفو لمت صديقات العمر سره
أشوفن باصطفافي چن صفوف أملاك
وي في العلم نتلاوذ بكتره
الشمس بالمدرسة مو شمس چن قنديل
نچابسهه و نشوف بنورهه الگمرة
يا محله المدارس و العلم و الطيب
طيب الأمهات الربن الفقره
غنايه احنه بمحبتچ ست و لا ننساچ
الحمد لله اعله فيچ يا نعم شجرة